今天她又要工作到晚上11時多，又多得我這個遲來的客人，她笑笑口說：「我以為你不來了，不然我和另外一個客人食飯啦！」「對不起，工作太忙，遲來了。」我用了平常都市人都平常用的藉口。
去理髮，有人一到步，說了要求，便專心小休到尾；有人會和髮型師「吹水」；我是中間那種，吹一陣水，跟住小休，醒了，又吹水。她說喜歡我這種，可以吹水，但又唔會吹到口乾。
她為別人理髮巳22年了， 最忠心的客人跟足她22年。她說：「都唔知點解，佢第一次同個朋友來，一直批評我手勢差，但又跟足我成22年，真有趣，哈哈哈！」我八卦問：「其實你唔覺得悶？」她好直接：「這是我的興趣。我喜歡每次同客人弄頭髮，見到佢哋靚靚咁走，好有滿足感， 從來無悶過。其實你哋返寫字樓係咪重悶？哈哈哈。」她又笑了。
理髮，對我來說是一項「大工程」，因為要長途跋涉過海，長時間坐定定，但我總喜歡找她，她由洗頭、落藥水、剪髮到吹髮都每一步都親力親為。
我欣賞她，她叫「陽光」。
後記：當然，我十分認同她說「見到佢哋靚靚咁走」。
沒有留言:
張貼留言